აფხაზეთის კულტურის,სპორტის და ახალგაზრდულ საქმეთა სააგენტოს დირექტორი ლიკა კვარაცხელია, ,,წიგნიერების გამავრცელებელი საზოგადოების” ელჩი გახდა. ერთობლივი ძალისხმევით აფხაზეთიდან იძულებით გადაადგილებულ პირთა კომპაქტურ დასახლებებში თანამედროვე ბიბლიოთეკები მოეწყობა.

რუსთაველის ეროვნული თეატრის დიდ სცენაზე, აფხაზეთის ავტონომიური რესპუბლიკის მთავრობის მხარდაჭერითა და აფხაზეთის განათლებისა და კულტურის სამინისტროს ორგანიზებით, აფხაზეთის შემოქმედებითი კოლექტივების საანგარიშო ღონისძიება „აფხაზეთისთვის“ გაიმართა. გალა-კონცერტში აფხაზეთის სიმღერისა და ცეკვის სახელმწიფო აკადემიური ანსამბლი „აფხაზეთი“, აფხაზეთის სიმღერის სახელმწიფო ანსამბლი „შავნაბადა“, გურამ ყურაშვილის სახელობის აფხაზეთის სახელმწიფო საგუნდო კაპელა, სოხუმის კონსტანტინე გამსახურდიას[…]

სენაკში მცხოვრები აფხაზეთიდან დევნილი ბავშვებისთვის, სენაკის აკაკი ხორავას სახელობის სახელმწიფო დრამატული თეატრის სპექტაკლის, „ჩიპოლინოს თავგადასავალი“ საპრემიერო ჩვენება გაიმართა. სპექტაკლს 400- მდე აფხაზეთიდან დევნილი მოზარდი ესწრებოდა. წარმოდგენის დასრულების შემდგომ კი, აფხაზეთის კულტურის, სპორტის და ახალგაზრდულ საქმეთა სააგენტოს მხარდაჭერით ბავშვებს საახალწლო საჩუქრები გადაეცათ.

აფხაზეთის კულტურის, სპორტის და ახლგაზრდულ საქმეთა სააგენტოს გოგონათა ფოლკლორული ანსამბლი „გუმბათი“ მოხუცებულთა პანსიონატის ბენეფიციარებს ესტუმრნენ, მათ შობა-ახალი წელი მიულოცეს და სიმბოლური საჩუქრები გადასცეს. შეხვედრას სააგენტოს დირექტორი ლიკა კვარაცხელია და გლდანის მაჟორიტარი დეპუტატი კონსტანტინე ზარნაძე ესწრებოდნენ.

წლიური ანგარიში ნახვა

აფხაზეთის კულტურის, სპორტის და ახლაგაზრდულ საქმეთა სააგენტოს ინიციატივით, ბორჯომის თოჯინების პროფესიულმა სახელმწიფო თეატრმა აფხაზეთიდან დევნილ ბავშვებს უმასპინძლა. ბავშვებს თეატრმა ო. ჰენრის ნაწარმოების მიხედვით დადგმული სპექტაკლი – “მოგვთა საჩუქარი” წარუდგინა. სპექტაკლის დასრულების შემდგომ სააგენტოს მხარდაჭერით ბავშვებს საახალწლო საჩუქრები გადაეცათ.

საახალწლო სოფელში ანსამბლ „გუმბათის“ კონცერტი გაიმართა. აფხაზეთის კულტურის, სპორტის და ახალგაზრდულ საქმეთა სააგენტოს გოგონათა ფოლკლორული ანსამბლი „გუმბათი“ „დედაენის ბაღში“ მოწყობილ საახალწლო სოფელში, პატარა მსმენელების წინაშე წარდგა. ანსამბლის მიერ სხვადასხვა ქართულ ხალხურ საკრავებზე შესრულებულმა სიმღერებმა მსმენელის განსაკუთრებული მოწონება დაიმსახურა, ხოლო პატარების განწყობაზე ანიმატორები და მულტფილმის გმირები ზრუნავდნენ.

აფხაზეთის კულტურის, სპორტის და ახალგაზრდულ საქმეთა სააგენტოს მხარდაჭერის პროგრამის ფარგლებში, ვალერი არქანიას სახელობის არტ-გალერეაში, დავით მარკოზიას ნამუშევრების პერსონალური გამოფენა და ალბომის პრეზენტაცია გაიმართა.

თბილისში მცხოვრები აფხაზეთიდან დევნილი ბავშვებისთვის, სოხუმის გიორგი რატიანის მოზარდ მაყურებელთა სახელმწიფო თეატრის მიერ დადგმული სპექტაკლის, „ ირმის შვილი“ ჩვენება გაიმართა. სპექტაკლს 350- მდე აფხაზეთიდან დევნილი მოზარდი ესწრებოდა. წარმოდგენის დასრულების შემდგომ კი, აფხაზეთის კულტურის, სპორტის და ახალგაზრდულ საქმეთა სააგენტოს მხარდაჭერით ბავშვებს საახალწლო საჩუქრები გადაეცათ.