ვალერი არქანიას სახელობის არტ-გალერეაში ჟურნალ “იალქნის”, “ 25 წლის შემდეგ – შეხვედრა “იალქნის” ავტორებთან” ღონისძიება გაიმართა

საღამოს ესწრებოდა იტალიელი ისტორიკოსი და მკვლევარი, ფრანჩესკო ტრეჩი, რომელიც სპეციალურად ჟურნალ „იალქნის“ საიუბილეო შეხვედრისთვის ეწვია საქართველოს. აგრეთვე მისი ინტერვიუ ექსკლუზიურად ჟურნალ „იალქანში“ დაიბეჭდა.

ფრაჩესკო ფლორენციელი მკვლევარია, რომელმაც 2015 წელს დაწერა წიგნი საქართველოს ისტორიაზე „La storia della Georgia“. ავტორმა მისი ნაშრომი საქართველოზე უკვე 21 ქალაქში წარადგინა.

შეხვედრის პარალელურად გაიმართა მხატვარ დალი მუხაძის ნამუშევრების პერსონალური გამოფენა.

შეგახსენებთ, რომ „იალქანი“ საყმაწვილო ჟურნალია, რომელიც 1996 წლიდან გამოიცემა. წლების განმავლობაში ჟურნალი მრავალი მოზარდის საყვარელ გამოცემად იქცა.