დედამიწის საერთაშორისო დღესთან დაკავშირებით გამწვანების აქცია გაიმართა

აფხაზეთის კულტურის, სპორტის და ახალგაზრდულ საქმეთა სააგენტოს ინიციატივით და იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრის აპარატის მხარდაჭერით, გარდაბნის რაიონის სოფელ ვაზიანის საჯარო სკოლაში გამწვანების აქცია გაიმართა. აქციაში მონაწილეობა, როგორც აფხაზეთიდან დევნილმა მოზარდებმა, ასევე ადგილობრივმა მაცხოვრებლებმაც მიიღეს.

პარალელურად კი, ბიბლუსმა „წიგნიერების გამავრცელებელ საზოგადოებასთან“ ერთად სკოლის ბიბლიოთეკას წიგნები გადასცა.