გრძელდება პროექტი „ამბები აფხაზეთიდან“

გრძელდება აფხაზეთის კულტურის, სპორტის და ახალგაზრდულ საქმეთა სააგენტოს პროექტი  „ამბები აფხაზეთიდან“.

თეატრთმცოდნე ნიკოლოზ წულუკიძე თბილისის 140-ე საჯარო სკოლას ეწვია, სადაც ახალგაზრდებს ქართულ-აფხაზურ კულტურაზე, იმ მახასიათებლებსა თუ ღირებულებებზე ესაუბრა რომელიც საუკუნეების განმავლობაში აკავშირებდა ქართულ-აფხაზურ საზოგადოებას.

პროექტი მიზნად ისახავს საერთო წარსულის მქონე ქართველი და აფხაზი თანატოლების დაახლოებას, მათთვის საერთო ისტორიული თუ კულტურული მახასიათებლების გაცნობას და მომავალ თაობებს შორის მეგობრული ურთერთობების განმტკიცებას.