გამოვიდა ჟურნალ „რიწის“ 2021 წლის 1-ლი ნომერი

გთავაზობთ რედაქტორის, ნანა ქარდავას წერილს:

ნომრის თემაა ,,ექიმები და არამხოლოდ”, ამიტომაც ავტორები ძირითადად ექიმები არიან. დებიუტის რუბრიკაში იბეჭდებიან ახალგაზრდა ავტორები. ბევრია მკითხველთათვის კარგად ცნობილი ავტორი, ბევრიც პირველად იბეჭდება. ნომერში საინტერესო მხატვრობაა და ძალიან საინტერესო პუბლიცისტიკა, პროზა არ დაგტოვებთ გულგრილს. პოეზიაში განსაკუთრებით მიხარია, რომ შევასრულე სიტყვა და აწგარდაცვლილი ნიკა კვესელავას ლექსები დავბეჭდე – ძალიან ნიჭიერი პოეტია. გიგა თოლორდავას სახელი, სამედიცინო საზოგადოებაში ბევრმა იცის, ნომერში წაიკითხავთ მის აფხაზეთის ომისდროინდელ მოგონებებს. კოვიდის თემასაც ვერ ჩავუვლიდით გულგრილად, იხ. ნინო მოდრეკილაძე…მოკლედ, რომელი ერთი ჩამოვთვალო. იმდენი ავტორია, 100მდე ნომერი გაიცემა, და დანარჩენი გაიყიდება. ფასი იგივე რჩება. დაინტერესდით, გაეცანით, გვიგულშემატკივრეთ . გახსოვდეთ – ,,რიწას” უყვარხართ.