აჭარაში ლიტერატურული კონკურსის “ვილაპარაკოთ აფხაზეთზე” მეორე ეტაპი გაიმართა

5-7 ნოემბერს, აჭარაში ლიტერატურული კონკურსის “ვილაპარაკოთ აფხაზეთზე” მეორე ეტაპი გაიმართა, სადაც ფინალისტები ორი დღის განმავლობაში ახალ ლიტერატურულ ტექსტებზე მუშაობდნენ. წერით სესიას წინ უძღოდა ჟიურის წევრების, თანამედროვე ქართველი ავტორების შორენა ლებანიძის, ნინია სადღობელაშვილისა და ირაკლი შამათავას ვორქშოპი. შემოქმედებით ტურში, მოსწავლეებმა ჟიურის წევრებთან ერთად სამი დღე არაფორმალურ გარემოში გაატარეეს და გაეცნენ თანამედროვე ქართველ ავტორებს, რომლებიც აფხაზეთის შესახებ წერენ.

კონკურსს ათი ფინალისტი ჰყავს, რომელთა მიერ წერითი სესიის დროს შექმნილი ლიტერატურული ტექსტები პროექტის დასკვნით ეტაპზე ერთ წიგნად გამოიცემა.

ახალგაზრდობის რეგიონული ცენტრი • Youth Regional Center მხარდაჭერით პროექტის მონაწილეებმა პეტრას ციხე და ბათუმის ბოტანიკური ბაღი მოინახულეს.

ლიტერატურული კონკურსის პარტნიორია გამომცემლობა ინტელექტი/Intelekti Publishing და კავკასიის უნივერსიტეტი – Caucasus University

აჭარაში ლიტერატურული კონკურსის “ვილაპარაკოთ აფხაზეთზე” მეორე ეტაპი გაიმართა

სიახლეები