აფხაზეთის კულტურის, სპორტისა და ახალგაზრდულ საქმეთა სააგენტოს დაფინანსებით, ზუგდიდში, ნიკო დადიანის სახლ-მუზეუმში ქართულ-აფხაზური კულტურული მემკვიდრეობის ამსახველი ექსპონატებისა და თემატური ფოტო-მასალების გამოფენა გაიმართა.
ღონისძიების ფარგლებში, ზუგდიდში არსებული აფხაზეთის საჯარო სკოლების მოსწავლეებმა დამსწრე საზოგადოებას ლიტერატურული კომპოზიცია წარუდგინეს.
ღონისძიების დასასრულს ასოციაცია „იმედი – დევნილ ქალთა მოძრაობა მშვიდობისთვის“ წარმომადგენლებმა ქართულ-აფხაზური ურთიერთობების დინამიკაზე, ნდობის აღდგენის პერსპექტივებსა და კონფლიქტის ტრანსფორმაციის შესაძლებლობებზე იმსჯელეს.
ღონისძიებას აფხაზეთის კულტურის, სპორტისა და ახალგაზრდულ საქმეთა სააგენტოს დირექტორი ანეტა კიტია დაესწრო.