გაიმართა აფხაზეთის ღია პირველობა ბერძნულ-რომაულ ჭიდაობაში

შეჯიბრებაში მონაწილეობდნენ მოჭიდავეები მთელი საქართველოდან. საპრიზო ადგილზე გასული სპორტსმენები შესაბამისი ხარისხის სიგელებით და მედლებით დაჯილდოვდნენ.

პირველ ადგილზე გასულ სპორტსმენებს გადაეცათ თასები, ასევე დასახელდა საუკეთესო ტექნიკური მოჭიდავე და ტურნირის აღმოჩენა, რომელთაც გადაეცეათ, საქართველოს ომში დაღუპული მოჭიდავე მურთაზ გაბიძაშვილის სახელობის თასი და საქართველოს სახალხო ფალავანის ნესტორ ესებუას სახელობის თასი.

აფხაზეთის ღია პირველობა ბერძნულ-რომაულ ჭიდაობაში მიზნად ისახავს ამ მნიშნელოვანი სპორტის სახეობის განვითარებას და პოპულარიზაციას აფხაზეთიდან დევნილ მოსახლეობაში, წარმატებული და პერსპექტიული სპორტსმენების გამოვლენას და ჯანსაღი ცხოვრების წესის პოპულარიზაციას.