აფხაზეთობის კვირეულის ფარგლებში პროექტი „ამბები აფხაზეთზე“ იმერეთის რეგიონს ეწვია

მოსწავლეებთან შეხვედრები ხონისა და წყალტუბოს მუნიციპალიტეტში გაიმართა. პროექტის ფარგლებში, პროფესორი სვიმონ მასხარაშვილი მოსწავლეებს საერთო კულტურული და ისტორიული ასპექტების შესახებ ესაუბრა, რაც საუკუნეების განმავლობაში ამყარებდა ქართულ-აფხაზურ ურთიერთობებს. დასასრულს, ტრადიციულად ბლიც-ვიქტორინა გაიმართა, ხოლო გამარჯვებულს სააგენტომ სიმბოლური საჩუქრები გადასცა.

შეხვედრას ხონისა და წყალტუბოს მუნიციპალიტეტის წარმომადგენლები და აფხაზეთის იძულებით გადაადგილებულ პირთა-დევნილთა სამინისტროს იმერეთის ტერიტორიული ორგანოს ხელმძღვანელი ნათია კოპალიანი ესწრებოდა.