იწყება განაცხადების მიღება „აფხაზეთის სახელით მოასპარეზე გუნდების/კლუბების“ ხელშეწყობის პროგრამაზე

ქვეპროგრამა გულისხმობს საქართველოში აფხაზეთის სახელით მოასპარეზე გუნდებისა თუ კლუბების (ფეხბურთი, კალათბურთი, რაგბი, ამერიკული ფეხბურთი) ფინანსურ მხარდაჭერას.

ქვეპროგრამის ფარგლებში დაფინანსების მიმღები სუბიექტი შეიძლება იყოს საქართველოს კანონმდებლობის შესაბამისად საქართველოს ტერიტორიაზე 2022 წლის 01 იანვრამდე რეგისტრირებული იურიდიული პირები (მხოლოდ სპორტული კლუბები/გუნდები), რომლებიც ასპარეზობენ აფხაზეთის სახელით.

პროგრამის მიზანია ქართველი სპორტსმენების კონკურენტუნარიანობის გაზრდა საერთაშორისო ასპარეზზე, სპორტის სხვადასხვა სახეობების განვითარების ხელშეწყობა და პოპულარიზაცია.

ქვეპროგრამის შესახებ დეტალური ინფორმაცია, განხორციელების წესი, წარმოსადგენი დოკუმენტაციის ნუსხა და სააპლიკაციო ფორმა იხილეთ ბმულზე.

განაცხადების მიღების ბოლო ვადაა: 07.11.2022

განაცხადი უნდა წარმოადგინოს კლუბის/გუნდის უფლებამოსილმა პირმა შემდეგ მისამართზე: დ. უზნაძის 68ა, აფხაზეთის კულტურის, სპორტის და ახალგაზრდულ საქმეთა სააგენტო, მე-5 სართული.

https://bit.ly/3SKV5S5